Mark 7

1Farisə yəmpa, kpiɔl wan Yesu, nən antauŋ təkarə mara ka wal liin Serusalem

2Wa na ι waratənkəra nampar ka wa tʋkʋ wa kpɔnʋ na asɨma, ntɔlι se wa ta sankə wa nii. 3(wontə rιna Farisə yəmpa na Siufə yəmpa pə tʋkʋ tʋnɔ ka wa ta sankə wa nii rəkpəsəkpəsə ; wa rʋkʋnə antauŋ akinɖa yəntə. 4Farisə yəmpa kʋrnə ayʋkʋŋ tɔ wontə na wa pə tʋkʋ tʋtə ka wa ta se lem rəcərcər. Wιrtə wι təmpə wa lakə tə ntɔli kɔpən lalʋ na nantɨli, na tə tən ñι wι sə wa lalə na)

5Farisə nən Təkarə mara wɔsə Yesu sə,”Arlapa nι ña waratənkəra ɖa shəshιampa kɔta, wontə rιna wa tʋkʋ wa kpɔnən ka wa ta sankə wa niinə?”

6ι kal wa sə, “Tιkəra mι, Esaι a ka rιsə Ashia təntənə ka mι riɔ tʋfələm s’amatə wona na. Yəra mpa ham ñamtə na wa nιsə kəna. Ama wa hɔya calən-m tən. 7Ñamtə ntə wa ham tə na, tə ci fala yəntə kəna, wontə rι na wa wʋlʋ ñastə ntə yəra laʋ-tə na,sə tə ci Ashia təntəntə.

8ι kɨsʋ Ashia ñastə n’ι ñɔŋ yəra wampa wʋltə. 9Yesu tasə wa sirʋ sə,”ι carʋ mι tι nι yekə Ashia ñastə ka leko nι rʋkʋn mι tətərnka mι kɔta. 10Wontə rι na Moisə kal sə,”Ha n ci na n ɖi ka ñamtə,”Nən “woñi wʋtə tan sartə yəntə ka ι ci nawʋr ι ɖi rə na, ʋ wι tʋfələm ka tən sə səʋ

11Ama, mι wʋlʋ sə,’N nən yər kal ι ci nawʋr ι ri sə, “wontə ma sitə sə ma sən mι na tə ci kɔrpan, tə kʋtəfiɖə kli sə ‘A cel tə Ashia’, 12nə ι pə ha-ι nampʋ s-ι la ι ci nawʋr ι ri ka ntər nι sən wa. 13Mι tətər mι wʋltə ntə ι wʋlʋtə tə yekə n’Ashia ñastə wʋsʋ fala. ι lakə ntər-ɔ kpatər ka tənɔ tə nʋsən-tə.

14Yesu tasə yəra kpatər ɖə yaʋ nι kal sə,” ι kιɔ nam mι tən n’ι nι sartə. 15Ntər tan n’awɔranɖi ka tə tɨkə yər ta sə wɨrsə-ι. Ama wontə liin ι ta na, ntə wʋrsʋna-ι. 16

17Yesu kampa nι kʋr yəra kpatər nι sι rιɔ tɔ wontə na, ι waratənkəra wɔsə’ι acantukur nɖə yəntə. 18Yesu kal sə,” ι wι rərə n-ι ι pə nιʋ ya? ι pə naa sə pa wontə wι awaranrə ka tə tɨkə yər ta ra pιsə sə wʋrsə’ι ya. 19Tə ra pιsə tə sι ι ñamər ta, ama tə tɨkə ι litə ta tə tιsən ramɔ ta.” Na tɨam mpɔna Yesu yepa sə tʋnasə ka sə tən ana sə tan asima nyarə k’Ashia yəsa ta.

20Yesu kal sə,”Wontə li na yər ñamər ta na, ntə lakə-na-ι n’ι pə kpəsʋ Ashia yəsa ta. 21Wontə rι na, na yər ñamər tɔ na tansartə mɔsəm li.Mɔsəm mpə yekə-na nι yər lakə ayaɖətəñəntə. Mpə yekə-na n’ι mιlʋ, n’ι kʋ ι rana. 22Mpə yekə-na n’ι cii ι rana yalaa, n’ι paa yəra, n’ι lakə ñan lakasə, na lɨan tι-lɨan tι,na falafala yəntə, n’awɨam. Mpə yekə na n’ιwʋtʋ tansartə yəntə ka ι rana rə, n’ι κpantʋ n’ι lakə wɔkətə yəntə. 23Tan sartə mɔsəm mpɔ pə tən liin yər ñamər tɔna, nən mpə yekə-na sə ι ra kpəsə Ashia yəsa ta.”

24Yesu kʋr rən’ɔ wontə na, ι rι na Tir kɔrυ taa, n’ι sι rɔ nιnkar taa sə yər ra na s’ι kampa. 25Ama, ι ta pιsʋ s’ι mɛl, wontə rι na, yal nιr ka wι yalayo k’alʋʋ carʋ-ka, n’ι nιʋ Yesu yəntə ka wontə na, ι tənkə n’ι kɔn na ι rι, n’ kur ι tι. 26N nɔɔn yal ñι ka ta ci Suifi tι, n’a ləl-ι Fenisi kɔre t’ɔ Siri kɔrʋ taa. ι kιr Yesu s’ι rʋn alʋʋ nk’ɔ ka taa.

27Yesu kal-ι sə: “Ɗʋkə -yeʋ wisə sə tʋ sə hɔ, wontə rι na, ʋ ta sar s’a sʋ wisə tʋtə n’acəl-tə hawisə.‘’ 28Ι wʋsən-ι sə: “Aci Səsι, tʋfələm kəna. Ama, wisə tʋkʋ n’ʋ tɛlʋ atι-ɔ wontə na, hawisə nsə wι tapər tι na, sə tιsʋ.‘’

29Yesu kal-ι sə: “Na n wʋtɔ nka rι, kpem n tι. kɔhən alʋʋ nkʋ li n yalampio taa.” 30Ι wʋsə ι tι səmpɔ wontə na, ι nɔɔn ι yo nka hənɗə kaɖʋ rι alʋʋ tem ka tɔ liʋ.

31Yesu kʋr Tii kɔrʋ taa n’ι tənkə na sitɔŋ kɔrʋ taa n’ι wʋsə na kalile apʋ lem cal n’ ι tal kɔrən hiiu taa. 32A kɔn-ι rəntam nιr-ɔ ι nansəmər kuta, n’a κιr-ι sə ι rə ι niiŋ ka ka rι n’ι yeʋ ka niʋ nə ka wʋtə.

33Ɗən’ɔna, ι sʋ-ι,nι wa calən yəra akpiɗi, n’ι rə ι niiŋ ka yər ñι rəna ta, n’ι wusi mantalem n’ι tekən yər ñι nansəmər. 34Ι kpaasə ι ñιsa n’asεta, n’ι fiisi rəfa n’ι tam yər ñι sə: “Eefata.‘’Tə tι sə:” Ʋ təl n ɗι.‘’ 35Ʋ tənkə nι yər ñι rəna təl, n’ι nansəmər yeɗə, n-ι paasə wʋtʋʋ ka sartə.

36Yesu hɔsə -wa sə wa ra siir-tə yər-ɔ asiru. Ι ka siirʋ-wa sə wa ra wʋtə-tə nιr cal.Ama, wa wι wa hosʋ-tə kəna n’ʋ kəlʋ n’ʋ walʋ. Wontə ι laʋ-tə na, tə laʋ yəra ka rəyaʋ ka tən, nι wa siiru sə: “Wontə tən ι lakə tə na, tə yʋsʋ-ra n’ι lakə rərι rəntampa nιʋ n’awʋtasə wʋtʋ.‘’

37